الشاعر راضى على أحمد حسين قصيدة "أطفال الشوارع" …………..

4 نوفمبر
“” أطفال الشوارع “”
طفله بريئه فى سن الست سنين
ماشيه فى صمت كإنه أنين
ماشيه حافيه تبيع مناديل
مرسوم ع الوش الحرمان
بصمة عار فى كل زمان
لمَّا طفل برئ يتهان
ورده دبلانه مكسورة الخاطر
قلب حزين عليها باين كل الجوع
مش لاقيه للحضن الدافى رجوع
نطرة عينها فيها دموع
وفيها همس لكل الناس ضميركم مات
وفين إحساس؟
نظره فيها حقيقى عتاب
نظره تملا ألف كتاب
بالرغم الصمت مليانة كلام
بتصرخ من جواها جروح وألآم ليه؟
منسيه تايهه فى وسط الزحمه
قلوبكم قاسيه وسوده زى الفحمه
ماشيه كل الحزن عليها مخيِّم
مستقبل قاسى وشكله مغيِّم
طريقها ضباب وشوك وضلام
امكن ديه ضحية أب أنانى
أو أم براءه مقتوله بتعانى
محرومه من طعم أمان
مش لاقيه صدر حنان
يضم بالتأكيد ديه ضحيه
واحد جانى
وامكن ديه طفله يتيمه
بجد حلم الفرحه معاها
اتهد محتاجه رعايه
وإيد تتمد والضحكه ترجع ليها من تانى
وتلاقى الرحمه مع الإنسان كرامه
ولقمه يادوب ع الكد
مين ليها غيرك يا رب؟
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s

%d مدونون معجبون بهذه: